Ana səhifə Planet |
İsrail və İran tarixi dostluğunu Tehrandakı hakim rejim dəyişdikdən sonra yeniləyə bilərlər.
Axar.az xəbər verir ki, bunu BMT Baş Assambleyasında çıxışı zamanı İsrail Baş naziri Benyamin Netanyahu söyləyib.
“İranla razılaşmanı müdafiə edənlər bir zamanlar Şimali Koreya ilə nüvə razılaşmasından danışanlar idi. Bunun axırının necə olduğu hamımız gördük. Heç nə etməsək, bu müqavilənin də axırı Şimali Koreya kimi olacaq.
Mən xəbərdar etmişdim ki, sanksiyalar götürüləndən sonra İran özünü ac pələng kimi aparacaq. İran bu gün özünü mən dediyim kimi aparır. Biz İrana Suriyada hərbi bazalar qurmasına, Suriya və Livanda bizə qarşı öldürücü silahlar istehsal etməsinə izn verməyəcəyik”, – deyə o bildirib.
Çıxışının sonunda BMT-də bəzi ölkələrin İsrailə qarşı qərəzli mövqeyindən bəhs edən Netanyahu bu dövlətlərin yaxşı ilə pisi ayıra bilmədiyini söyləyib:
“İndiyə qədər Antarktidan başqa bütün qitələrdə olmuşam. İstəyərdim ki, ora da gedim. Eşitmişəm ki, oradakı pinqivinlər İsrailin tərəfdarlarıdırlar. Onlara heç nə ağla qaranı, yaxşı ilə pisi fərqləndirməyə mane olmur”.
Tarix
2017.09.20 / 13:41
|
Müəllif
İlkin Həsənov
|