Türkiyənin Diyarbəkir bölgəsində anaların keçirdiyi aksiya gündəmə gəldiyi vaxt PKK-nın qaçırdığı uşaqlarla bağlı maraqlı bir üsul istifadə etdiyi ortaya çıxıb.

Axar.az xəbər verir ki, PKK Avropa ölkələrindən və Türkiyədən qaçırılıb dağa aparılan uşaqların şəkillərini Feysbuk sosial şəbəkəsindəki "Gola xamirpete" (Hamurpet gölü) adı ilə açdığı səhifəyə yükləyib. Uşaqların əli silahlı fotolarını sayta qoyan təşkilat bu yolla aldadıb dağa apardığı uşaqların ailələrinə belə mesaj göndərməyə çalışıb: "Uşağınız yanımızda xoşbəxtdir, onları biz qaçırmamışıq, özləri gəlib. Onları və özünüzü sevirsinizsə, onlardan əl çəkin".

Xatırladaq ki, Təhlükəsizlik Xidmətinin məlumatlarına görə, Türkiyədə son 5 ayda 350-dən çox Universitet tələbəsi və lisey şagirdi aldadılaraq dağa çıxarılıb.