Putinlə Ərdoğan Suriya və İraq başda olmaqla, Yaxın Şərq böhranını müzakirə edəcək.

Axar.az xəbər verir ki, bu sözləri Moskva Dövlət Universitetinin Dünya Siyasəti fakültəsinin professoru Aleksey Fenenko deyib.

"Liderlər Suriya dövlətinin gələcəyi ilə bağlı danışacaqlar. Xüsusilə bu günlərdə yeni sual yaranır? İŞİD-in sonu nə zaman çatacaq? Suriyalı kürdlərlə bağlı hansı addımlar atılacaq?”, - deyə professor vurğulayıb.

O əlavə edib ki, suriyalı kürdlər ciddi hərbi qüvvəyə çevrilib.

Fenenko həmçinin rus-türk əlaqələrinin olduqca əlverişli şərtlərə sahib olduğunu da əlavə edib.

Qeyd edək ki, liderlərin görüşü sentyabrın 28-də Ankarada baş tutacaq.