Ukraynanın Donetsk bölgəsinin Horlivka şəhərində separatçılar Su-25 tipli Ukrayna döyüş təyyarəsini vurub.

Axar.az xəbər verir ki, özünü xilas etməyi bacaran pilot isə separatçılar tərəfindən əsir götürülüb.

Qeyd edək ki, döyüş təyyarəsinin separatçılara aid nöqtələri bombaladığı və hava zərbələri nəticəsində 1 nəfərin həyatını itirdiyi, 6 nəfərin isə yaralandığı bildirilir.

Onu da bildirək ki, Horlivka şəhərində separatçıların lideri məlumatı təsdiqləyib: "Biz Su-25 qırıcısını vurmuşuq və pilot əlimizdədir. Hal-hazırda pilot sorğu-sual olunur".

Xatırladaq ki, Ukrayna Hərbi Hava Qüvvələri artıq bir neçə gündür ki, separatçıların məskunlaşdığı əraziləri bombalayır. Dünən gecə isə separatçılarla döyüşdə daha bir hərbi yük təyyarəsi vurulmuş, 49 hərbçi isə həlak olmuşdu.