Əfqanıstan, İraq və digər ölkələrdə aparılan hərbi əməliyyatlar, həmçinin İŞİD-lə mübarizə sahəsində fəaliyyəti 2001-ci ildən bu yana ABŞ dövlətinə 1.7 trilyon dollara başa gəlib.

Axar.az xəbər verir ki, bu barədə ABŞ-ın dövlət büdcəsinin xərcləri barədə araşdırmalar aparan “National Priorities Project” təşkilatı informasiya yayıb.

Təşkilatın məlumatına görə, ABŞ hökuməti təkcə Əfqanıstanda keçirdiyi əməliyyatlarda son 16 ildə 785 milyard dollar itirib. İraqda 2003-cü ilin mart ayında başladılan əməliyyatlara 821 milyard, İŞİD-lə mübarizə isə 17 milyard dollara başa gəlib. Təşkilat hesablama zamanı yalnız Müdafiə Nazirliyinin yaydığı rəsmi məlumatlara əsaslanıb. Burada xüsusi xidmət orqanlarının keçirdiyi əməliyyatların, ABŞ dövlətinin gizli saxladığı fəaliyyətlərin, döyüşlərdə həlak olanların ailələrinə verilən konpensasiyalar, veteranların müalicə xərcləri və texnikanın əvəzlənməsi və.s barədə xərclər nəzərə alınmayıb.

Ekspertlər bütün bu xərclərin nəzərə alınacağı halda ABŞ-ın ümumi xərclərinin 5 trilyon dolları ötəcəyini bildirib.