Ərdoğanın Krımla bağlı söylədikləri hər şeydən əvvəl Poroşenkonun tələbi olub.

Axar.az xəbər verir ki, bu sözləri Krım Nazirlər Sovetinin sədr müavini Georgi Muradov Türkiyə Prezidenti Rəcəb Tayyib Ərdoğanın Ukraynanın ərazi bütövlüyünü dəstəkləməsi haqda fikrinə münasibət bildirərkən deyib.

“Bu vəziyyətdə Ərdoğan Poroşenko ilə oynadı. O, özünün digər görüşlərində, səfərlərində və danışıqlarında göründüyü kimi belə bəyanatlar vermək üçün çox istəkli deyil. Bildiyimiz kimi, Ərdoğan çevik insandır. O, lazım olanda fikrini asanlıqla dəyişə bilir”, - Muradov deyib.

Qeyd edək ki, Türkiyə Prezidenti Ukraynaya rəsmi səfəri zamanı Krımın qeyri-qanuni ilhaqını tanımadıqlarını bildirmişdi.