Qazaxıstanın Milli Təhlükəsizlik Komitəsinin sədri Kərim Məsimov ABŞ Dövlət katibi Reks Tillersonla görüşmək üçün Vaşinqtona səfər edib.

Axar.az xəbər verir ki, bu barədə informasiya ABŞ Dövlət Departamentinin Feysbuk səhifəsində yer alıb. Departament görüşün oktyabrın 10-da qapalı şəkildə keçirildiyini bildirib. Görüşün detalları haqqında heç bir məlumat verilməyib. Səfərin həmçinin rəsmi məqsədi də ictimaiyyətə açıqlanmayıb.

Qazaxıstan KİV-ləri indiyə qədər səfər barədə heç bir məlumat yaymayıblar.

“Fərqanə” agentliyi isə etibarlı mənbələrə istinadən səfərin məqsədi haqqında məlumat yayıb. Agentliyin məlumatına əsasən, Məsimov Vaşinqtona Qazaxıstan Prezidenti Nursultan Nazarbayevin 2018-ci ilin əvvəlində ABŞ-a edəcəyi səfərə hazırlıq məqsədi ilə gedib.