Erməni aktivist və siyasi məhbus Karo Yeqnukyan Avropa Birliyinin Ermənistandakı nümayəndəsi Antoni Svitalskiyə məktub göndərib.

Axar.az xəbər verir ki, məktubda Yeqnukyan Svitalskidən Avropanın diqqətinin Ermənistandakı siyasi məhbuslara yönəldilməsini istəyib. Onun sözlərinə görə, hazırda Ermənistan həbsxanalarında onlarla siyasi məhbus var və onların hamısı yalançı ittihamlarla həbs ediliblər. O, məktubda həmçinin erməni siyasi məhbusların məsələsinin Avropa institutlarında aktuallaşdırılmasını tələb edib.

Qeyd edək ki, Yeqnukyan hazırda İrəvanda dövlət çevrilişinə cəhddə, “Sasna Çrer” təşkilatına dəstəkdə ittiham edilir.