Ana səhifə Planet |
Müttəfiqlərimizi İranın bölgədəki stabilliyi pozmaq siyasətinə qarşı bizə qoşulmağa çağırıram.
Axar.az xəbər verir ki, bu sözləri ABŞ Prezidenti Donald Tramp İran ilə 2015-ci ildəki nüvə sazişi ilə bağlı yeni strategiyasını açıqlayarkən deyib.
Tramp sözügedən müqavilənin birtərəfli bağlanan müqavilə olduğunu və bununla bağlı İrana nüvə silahı proqramına davam etdirmək üçün bir imkan təklif etdiyini, həmçinin Konqresə müqavilə ilə bağlı nöqsanların aradan qaldırılması tapşırığını verdiyini qeyd edib.
"Əgər yeni təklif müsbət sonlandırılmasa, İranla müqaviləyə xitam veriləcək. İran rejimi 11 sentyabr hücumunu edən terrorçuları saxlayıb və Üsamə Bin Ladenin də oğlu bunların içində olub. Tehran dünyada terrora dəstək verən ölkələrin başında gəlir. Əl Qaidə, Hizbullah, Yəmən husilərinə dəstək verməkdə davam edir. İran ABŞ qoşunlarını və müttəfiqlərimizi təhdid edən raketləri inkişaf etdirməyə davam edir. Ərəb yarımadasında bu təcavüzlərə davam edir və yalan-yanlış ittihamlarla amerikalıları girov saxlayır", - Tramp vurğulayıb.
Xatırladaq ki, Vaşinqton İran rejiminin, xüsusilə, İran İslam İnqilabı Keşikçiləri Korpusunun (SEPAH) zərərli fəaliyyətinin maliyyələşdirilməsinə imkan verməyəcəyini elan edib və sözügedən təşkilatı qara siyahıya salıb.
Tarix
2017.10.13 / 21:49
|
Müəllif
Pərviz Həsənov
|