Kürdlər Kərkükün neft və qaz təsisatını İraq ordusuna təhvil verməyə hazırdır.

Axar.az xəbər verir ki, bu sözləri İraq ordusunun komandirlərindən biri bildirib. İSNA-nın məlumatına görə, İraq Neft Nazirliyindən adının çəkilməsini istəməyən şəxs sözügedən xəbəri təsdiq edib və kürdlərin Kərkük neft təsisatı ətrafında münaqişəyə yol vermək istəmədiklərini vurğulayıb.

Kərkükdə İraq ordusunun irəliləməsi davam edir. İraq ordusunun verdiyi bəyənatda bildirilir ki, ordu Kərkükün şimal qaz təsisatını, polis mərkəzini, elektrostansiyasını və neftayırma zavodunu öz nəzarəti altına alıb. Ən son məlumata görə, İran ordusu Kivan hərbi bazasına çatıb.