Aleksandr Duqin bizə Türkiyə əsgərinin fövqəladə aktiv olduğunu söyləyəndə bunu hökumətə çatdırmasını istədik.

Axar.az xəbər verir ki, bunu Cem TV-yə müsahibəsində Türkiyə Vətən Partiyasının rəhbəri Doğu Perinçək söyləyib. Onun sözlərinə görə, Türkiyə hökuməti 15 iyul çevriliş cəhdindən əvvəlcədən xəbər tutmuşdu:

“Bizə hərbçilərin çevriliş edəcəyini demişdilər. Aleksandr Duqin bizə Türkiyə əsgərinin fövqəladə aktiv olduğunu söyləyəndə bunu hökumətə çatdırmasını istədik. O, bizə dediklərini Ankaraya gedəndə Ankara bələdiyyə sədri Məlik Gökçəyə dedi. Hökumətin çevriliş təşəbbüsündən öncədən xəbəri vardı. Mən bilirdimsə, bunu MİT bilməyə bilməzdi”.