12:02

İraq ordusu ilə peşmərgə arasında atışma baş verib.

Axar.az xəbər verir ki, bu barədə “Röyter” informasiya yayıb.

Məlumata görə, atışma Kərkük-Ərbil yolunda başlayıb.

***

Peşmərgə qüvvələri Ərbilin 50 kilometrliyindəki Altınkörpü rayonundan geri çəkilib.

Qarşıdurmada ölən və yaralananlar barədə məlumat verilməyib.

***

İraq ordusu ilə peşmərgə arasında döyüşlər daha da şiddətlənir.

Peşmərgə Ərbilin 50 kilometrliyinə qədər yaxınlaşan İraq ordusuna qarşı alman istehsalı olan “Milan” tank əleyhinə raket sistemlərindən istifadə edib.

Hər iki tərəfdən ölən və yaralananların olduğu bildirilir.

***

İraq ordusunun artilleriya atəşi nəticəsində peşmərgə qüvvələri arasında ağır yaralananlar olub, bəzi hərbi maşınların yanması müşahidə edilib.

Bu barədə hadisə yerində olan türkiyəli jurnalistlər məlumat verib.

Məlumata görə, şiddətli atışmaların davam etdiyi müddətdə Ərbildən döyüş mövqelərinə hərbi maşın karvanı göndərilib.

“Türkiyəli jurnalistlər Ərbil istiqamətində gedən atışmanı müşahidə edirdi. Bu zaman Haşdi-Şabi peşmərgəyə ard-arda minaatanlarla 25 zərbə endirdi. Peşmərgə isə “Katyuşa” raketləri ilə qarşılıq verdi. Təhlükəli vəziyyət qarşısında mətbuat nümayəndələri ərazini tərk etməyə məcbur oldu”, - “Doğan” xəbər agentliyinin müxbiri Fəlat Bozarslan deyib.