Kiyevdə Ali Radanın qarşısında baş tutan etiraz aksiyası xroniki hala çevrilib yeni Maydan ilə nəticələnə bilər.

Axar.az TASS agentliyinə istinadən xəbər verir ki, bu sözləri Ukrayna Təhlil və Menecment İnstitutunun direktoru, analitik Ruslan Bortnik deyib. Onun sözlərinə görə, parlament qarşısında baş tutan bu etiraz aksiyası, fövqəladə bir şey baş verməyəcəyi halda yeni ilə qədər davam edə bilər:

"Əgər hökümət irəli sürülən tələblərlə razılaşmasa, bu aksiya yeni Maydana çevrilə bilər. Etiraz aksiyaların taleyi etirazçılarla Ukrayna hakimiyyəti arasında gerçəkləşəcək danışıqlardan asılıdır. Burada iki faktor önəmlidir. Birincisi, xüsusilə kommunal tariflərin iki dəfə azaldıması, inflyasiyanın enməsi, Poroşenkonun ofşorlarının araşdırılması və korrupsiyaya qarşı mübarizənin aparılması istiqamətində müxalifət liderlərin sosial yönümlü tələbləri genişləndirib, inkişaf etdirməyə nə dərəcədə nail olacaqlarıdır. İkinci faktor isə ondan ibarətdir ki, bu, iqtidar ilə aksiyaçılar arasındakı etirazın eskalasiyası ilə nəticələnə bilər”.

Qeyd edək ki, etiraz aksiyası cümə axşamı Ukraynanın paytaxtı Kiyev şəhərində Ali Rada binasısının qarşısında başlayıb. Aksiyaya əsas liderliyi Gürcüstanın eks-prezidenti Mixail Saakaşvili edir.