Dünyada ən çox kokaindən Albaniyada istifadə edilir.

Axar.az xəbər verir ki, bu barədə informasiya Birləşmiş Millətlər Təşkilatının Narkotika və Cinayət İdarəsinin dünya miqyasında ən çox hansı ölkələrdə kokaindən istifadə edilməsinə dair hesabatında yer alıb. Hesabata əsasən bu ölkənin əhalisinin 2,5%-i kokaindən istifadə edir. BMT-nin hazırladığı siyahıda Albaniyadan sonrakı yerləri ABŞ (2,3%), Böyük Britaniya (2,25%), İspaniya (2,2%), Avstraliya (2,1%), Uruqvay (1,8%), Çili (1,73%), Hollandiya (1,6%), İrlandiya (1,5%), Kanada (1,46%) tutub.

Hesabatda kokaindən daha çox gəlir səviyyəsi yüksək olan şəxslərin istifadə etdiyi vurğulanıb. BMT-nin hesabatının Avropaya aid hissəsində köhnə qitənin kokaindən istifadə edən region olduğunu bildirib. Belə ki, bu narkotik vasitədən Avropanın daha çox cənub və qərbində istifadə olunub. 17,5 milyonluq yetkin (15-64 yaş arası – red.) avropalının və ya bu yaş qrupunun 5,2 faizi həyatada ən azı bir dəfə də olsa, kokaindən istifadə edib. Təkcə İrlandiya, İspaniya, Hollandiya və Birləşmiş Krallığın gənc vətəndaşlarının son bir il ərzində kokaindən istifadəsi 2,5 faiz artıb.

Qeyd edək ki, Avropa Birliyindəki kokain bazarının ən az 5,7 milyard həcmində olduğu təxmin edilir.