Çexiyada parlament seçkisində qalib gələn muxalif ANO Partiyası hökumət qurmaq üçün kommunistlərlə koalisiya yaradacaq.

Axar.az xəbər verir ki, bunu Ukrayna mətbuatına açıqlamasında jurnalist Oksana Pelenska söyləyib.

“ANO-nun rəhbəri Andrey Babiş söylədi ki, insanları Şərqə dönüşlə qorxutmayın. Politoloqlar əmindirlər ki, bu seçkidən sonra Çexiyanın siyasi həyatında stabillik olmayacaq. Bu səhər mən öyrəndim ki, Babiş artıq koalisiya ilə bağlı danışıqlara start verib. O, ilk olaraq Kommunist Partiyasını danışıqlara dəvət edib. Burada həqiqətən çox maraqlı situasiya yaranacaq. Kommunistlər parlamentə daxil olsalar da, çox səs itirdilər. Qalib partiyanın başqa kimlə birləşəcəyi bilinmir”, – deyə o bildirib.

Qeyd edək ki, Çexiyada keçirilən seçkidə rusiyayönlü milyarder Babişin ANO Partiyası qalib qalib gəlsə də, hökuməti təkbaşına formalaşdırmaq üçün 50%-lik bariyeri aşa bilməyib.