Ana səhifə Planet |
Yaponiyanın Baş naziri Şinzo Abe ilə ABŞ Prezidenti Donald Tramp arasında telefon danışığı baş tutub.
Axar.az xəbər verir ki, bu barədə “Kiodo” agentliyi informasiya yayıb. Tərəflər telefon danışığı zamanı Şimali Koreyaya göstərilən təzyiqlərin daha da artırılması ilə yanaşı, Donald Trampın noyabr ayında Yaponiyaya rəsmi səfəri zamanı Şinzo Abe ilə qolf oynaması barədə razılığa gəliblər.
Məlumata görə, Tramp seçkilərdə qələbə qazanan Abeni zəfər münasibətilə təbrik edib və Baş nazir də öz növbəsində Donald Trampa təşəkkürünü bildirib. Şinzo Aber prezidentin Yaponiyaya səfəri zamanı Şimali Koreya probleminin müzakirə ediləcəyinə ümid etdiyini bildirib. Liderlərin səfərin ilk günündə birlikdə qolf oynaması razılaşdırılıb.
Qeyd edək ki, Donald Tramp noyabrın 5-də Yaponiyaya səfər edəcək.
Tarix
2017.10.23 / 15:55
|
Müəllif
Orxan Tağıyev
|