Ermənistan Prezidenti Serj Sərkisyan Rusiya-Ermənistan vahid ordu qruplaşması haqqında razılaşmanı təsdiqləyib.

Axar.az xəbər verir ki, bu barədə informasiyanı Ermənistan prezidentinin mətbuat xidməti yayıb. Sərkisyan həmçinin ölkəsinin Rusiya və Belarusun yaratdığı “Müdafiə Sistemləri” dövlətlərarası maliyyə-sənaye qrupuna qoşulması haqqında razılaşmanı da ratifikasiya edib.

Qeyd edək ki, Ermənistan-Rusiya vahid ordu qruplaşmasının yaradılması haqqında razılaşması 2016-cı ilin noyabrında imzalanmışdı. Ermənistan “Müdafiə Sistemləri” qrupuna qoşulmaq haqqında razılaşmaya da eyni tarixdə imza atmışdı.