İraq Baş naziri Heydər Abadi Kürd Muxtariyyətinin lideri Məsud Bərzaninin referendumun nəticələrini dondurması haqda açıqlama yayıb.

Axar.az xəbər verir ki, Abadi referendumu dondurmağın kifayət etmədiyini, tamamilə ləğv etməyin yeganə çıxış yolu olduğunu bildirib:

“Kürdüstanın müstəqillik referendumunun nəticələrinin dondurulmasına qarşıyıq. Referendumun nəticəsi tamamilə ləğv edilməlidir”.

Qeyd edək ki, İraq Kürd Muxtariyyəti rəsmi Bağdada müstəqilliklə bağlı keçirilən referendumun nəticələrinin dondurulması və danışıqlara başlamaq istəyini təklif etmişdi. Bərzaninin müşaviri Kifah Sincari İraq hökumətindən cavab gözlədiklərini açıqlamışdı.