ABŞ-da keçirilən prezident seçkilərinə Rusiya müdaxiləsi barədə işi aparan xüsusi prokuror Robert Müller ilk ittihamları səsləndirib.

Axar.az xəbər verir ki, bu barədə CNN informasiya yayıb.

Telekanalın məlumatına görə, ittihamlar artıq qaldırılıb, lakin hələ detallar mətbuata tam məlum deyil. ABŞ-ın Ədliyyə Nazirliyi gələn həftənin əvvəlində barəsində iddia qaldırılan şəxslərin adlarını açıqlaya bilər.

İttihamların Trampın Rusiya ilə "sövdələşmə"sinə birbaşa aid olmadığı, Müllerin istintaqı zamanı ortaya çıxan maliyyə cinayətləri ilə əlaqədar ola biləcəyi də açıqlanıb.

Qeyd edək ki, ABŞ-da keçirilən prezident seçkilərinə Rusiya müdaxiləsi həm Konqres, həm də FTB tərəfindən araşdırılır.