Türk millətçilərinin qalası Milliyətçi Hərəkat Partiyasıdır.

Axar.az xəbər verir ki, bunu Türkiyə mətbuatına açıqlamasında əslən azərbaycanlı olan eks-deputat, MHP-nin keçmiş üzvü Sinan Oğan söyləyib.

"MHP-də olacaq dəyişikliklərdən sonra yeni partiya olan İYİ Partiya məntiqsiz olacaq. Niyə? Yeni partiya niyə yaradılıb? MHP-dəki mübarizə uğurlu olsaydı, yeni partiya qurula bilərdimi? 18 mart 2018-də biz MHP-də dəyişiklikləri gerçəkləşdirəcəyik. Dəyişikliklər olsa, yeni partiyaya gedən dostlar geri dönəcəklərmi? Əlbəttə, MHP-yə geri dönəcəklər. MHP bu dəyişikliklərdən sonra iqtidara doğru can atan partiya olacaq. Dostlarımız geri dönəndən sonra yeni partiyanın anlamı qalmayacaq", - o bildirib.

Qeyd edək ki, bir neçə gün öncə keçmiş MHP-çı Maral Akşənər İYİ Partiyasını təsis edib.