15:55

Ukraynanın Antikorrupsiya Bürosu Daxili İşlər naziri Arsen Avakovun oğlu Aleksandrın evində axtarış aparır.

Axar.az xəbər verir ki, bu barədə informasiyanı Ukrayna mətbuatı yayıb. Mətbuat yoxlamaların Ukrayna Daxili İşlər Nazirliyinin Milli Qvardiyası üçün çantaların alınması zamanı fırıldaqçılığa yol verilməsi iddiası əsasında aparıldığını bildirib. Belə ki, məhz Aleksandr Avakovun yaxın olduğu şirkətin bu fırıldaqçılıqda iştirak etdiyi vurğulanıb.

***

Ukrayna Daxili İşlər naziri Arsen Avakovun oğlu Aleksandr Ukrayna Antikorrupsiya Bürosu tərəfindən saxlanılıb.

Bunu “112 Ukrayna” televiziyasına açıqlamasında Avakovun keçmiş müşaviri İlya Kiva söyləyib.

“Aleksandrı saxlayıblar. Məndə olan məlumatlara görə, axtarış heç bir nəticə verməyib, ona görə də onun telefon və planşetləri götürülüb. Artıq axtarış başa çatıb və Aleksandr bir azdan məhkəməyə çıxarılacaq”, – deyə o bildirib.

Qeyd edək ki, Arsen Avakov Bakı ermənisidir.