Oktyabrın 31-də Nyu Yorkda terror hücumu törədən Seyfullah Saipovu "heyvan" adlandıran prezident Donald Tramp ABŞ Konqresindən belələrinin Amerikaya daxil olmasına imkan yaradan “Qrin kard” lotereyasına son qoymağa çağırıb.

Axar.az xəbər verir ki, proqramı “zəncirvari immiqrasiya” adlandıran Tramp deyib ki, bundan sonra ABŞ-a ancaq ölkəyə “layiqli xidmət" göstərə biləcək insanların daxil ola biləcəyi yeni proqramı dəstəkləyəcək.

Rəsmi “Diversifikasiya lotereyası” kimi tanınan “Qrin kard” lotereyası 1990-cı ildə qanun kimi qəbul olunub və 1995-ci ildə qüvvəyə girib. Proqram çərçivəsində ABŞ-a immiqrasiya üçün təxminən 50 min viza verilir.