Üsamə Bin Laden 1976-cı ildə Türkiyəyə gəlib.

Axar.az xəbər verir ki, bu barədə informasiya ABŞ Mərkəzi Kəşfiyyat İdarəsinin Bin Ladenin yayımladığı gündəliyində yer alıb. Bu gündəliyin 8-ci səhifəsində Bin Laden Türkiyəyə Milli Qurtuluş Partiyasının sədri Nəcməddin Ərbakanla görüşmək üçün gəldiyini yazıb. SSRİ-yə qarşı cihad elan etməzdən əvvəl ilk səyahətini Türkiyəyə təşkil edən Bin Laden buraya Suriyadan keçərək gəlib. Türkiyədə olduğu müddət ərzində o, üzərində tapança daşıyıb.

Qeyd edək ki, ABŞ Mərkəzi Kəşfiyyat İdarəsi Üsamə Bin Ladenlə bağlı 470 min sənədi ictimailəşdirib. Bu sənədlərin hamısının 2011-ci ilin mayında ələ keçirildiyi bildirilib.