Ana səhifə Planet |
Britaniyanın keçmiş müdafiə naziri Maykl Fellon vəzifəsindən hökumət daxilindəki intiriqalar ucbatından ayrılıb, onun qadınlarla qeyri-normal davranışı isə sadəcə bəhanə olub.
Axar.az xəbər verir ki, bu iddia ilə “Teleqraf” qəzeti çıxış edib. Qəzet müdafiə nazirinin istefaya göndərilməsinin əsas təşəbbüskarının Nümayəndələr Palatasının lideri Andrea Lidsin olduğunu bildirib. Belə ki, Breksit razılaşmasının xilas edilməsi üçün Fellonun onun qovulmasına çalışdığını öyrənən Lids daha tez davranaraq Baş nazir Tereza Meyə nazirin zorakılığı haqqında şikayət edib:
“Lids şikayətində Fellonun onu qucaqladığını və zorakılığa şərait yaradan ifadələr işlətdiyini bildirib. Əslində Lidsin addımı özünümüdafiə idi və o bununla Fellonu tam məhv etdi. O, Fellona arxadan zərbə vurdu”.
Qeyd edək ki, bundan öncə Fellon britaniyalı jurnalist Culiya Hartli Bryuerin dizinə 15 il əvvəl əlini qoyduğuna görə, zorakılıqda ittiham olunaraq, istefaya göndərildiyi bildirilib.
Tarix
2017.11.04 / 16:12
|
Müəllif
İlkin Həsənov
|