Ukrayna Baş Qərargahının keçmiş rəisi Yuri İlin Maydan hadisələri zamanı hökumətin hansı addımlar atmağı planlaşdırdığını açıqlayıb.

Axar.az xəbər verir ki, bu barədə informasiya İlinin Ukraynanın eks-prezidenti Viktor Yanukoviçə qarşı açılmış cinayət işi ilə əlaqədar istintaq ifadəsində yer alıb. Onun sözlərinə görə, Kiyev 2014-cü ildə Maydan hadisələri zamanı Krımın qorunması üçün heç bir addım atmayıb:

“Müxalifətçilərlə o zamankı söhbətim zamanı onlar krımlılarla heç bir dialoq qurmayacaqlarını deyirdilər. İndi Kiyev meri vəzifəsini tutan Vitali Kliçko söz verirdi ki, yarımadaya qarşı Kiyevə etdiklərindən daha sərt münasibət göstərəcəklər. Azadlıq Partiyasının lideri Oleq Tyaqnibok isə krımlıları öz qanları ilə yuyacağını bildirirdi”.