YPG kimi terror təşkilatının Suriya Xalq Konqresində iştirakını qəbul etmirik. Bu mövqeyimizi Rusiya ilə bölüşmüşük.

Axar.az xəbər verir ki, bu sözləri Türkiyə Xarici İşlər naziri Mövlud Çavuşoğlu deyib.

“Astana prosesində bu mövqeyimizi hər zaman qorumuşuq. Hər kəsi qucaqlamaq lazımdır. Ərəb, kürd, türkman, sünni, şiə, yezidi, süryanilər... Kim olursa-olsun. Lakin kürdlərin təmsilçisi YPG deyil. Bir xalqı terror şəbəkəsi təmsil edə bilməz”, - XİN rəhbəri bildirib.

Qeyd edək ki, yaxın zamanda Rusiyanın Soçi şəhərində Suriya Xalq Konqresi öz işinə başlayacaq.

Konqresdə bütün suriyalı tərəflərin iştirakı gözlənilir.