Livan Baş naziri Səid Həririnin istefası zamanı Misirdə səfərdə olan Livan parlamentinin rəhbəri Nəbiyə Berri ziyarətini yarımçıq kəsərək, geri dönüb.

Axar.az xəbər verir ki, bu barədə informasiyanı İran mətbuatı yayıb. Berrinin geri dönmədən öncə Misir Prezidenti Əbdülfəttah Sisi ilə təcili görüş keçirdiyini bildirib. Görüş zamanı Sisi Livanda daxili təhlükəsizliyin qorunmasını istəyərək, Hizbullah lideri Seyid Həsən Nəsrullaha Livandakı sünniləri təhrik edən açıqlamalar verməyini dayandırması mesajının çatdırılmasını istəyib. Sisi həmçinin Misir kəşfiyyatının Həririyə qarşı hansısa sui-qəsd planı haqqında informasiyaya sahib olmadığını deyib.

Qeyd edək ki, Həriri bundan öncə istefaya getdiyini açıqlayıb. O özünə qarşı İranın sui-qəsd hazırladığını bildirib. Həriri istefasını Səudiyyə Ərəbistanında açıqlayıb və ölkəyə geri dönməkdən imtina edib.