Rusiyanın ötən ay baş tutan hərbi təlimlər zamanı bəzi telefon siqnallarını kəsdiyindən şübhələnirik.

Axar.az xəbər verir ki, bu barədə NATO Baş katibi Yens Stoltenberq danışıb.

Məlumata görə, NATO-ya üzv olan ən azı 2 ölkə baş katibə narazılığını ifadə edib. Stoltenberq isə Rusiyanın bu mövzularda şəffaflığı qorumalı olduğunu bildirib:

“Rusiya ortada hər hansı bir yanlış anlaşılmanın olmaması üçün əlindən gələni etməlidir. Əks halda bu cür fəaliyyətlərin çox ciddi təsirləri ola bilər”.

Qeyd edək ki, Rusiyanın Belarusla birgə təşkil etdiyi Qərb-2017 təlimləri zamanı İsveç, Latviya və Norveçdəki telefon xidmətlərində bir neçə saatlıq kəsintilər müşahidə olunub.