Asiya bölgəsinə səfəri çərçivəsində Cənubi Koreyanı ziyarət etmiş ABŞ Prezidenti Donald Trampın axşam yeməyi bütün dünya ictimaiyyətinin marağına səbəb olub.

Axar.az xəbər verir ki, Trampın yemək barədə həssaslığını nəzərə alan Seul onun üçün xüsusi siyahı hazırladıb.

Məlumata görə, Donald Trampa qızardılmış mal əti və 360 illik soya sousu təqdim olunub.

ABŞ Prezidentinin şərəfinə verilən axşam yeməyində təqdim olunan təamların tam siyahısı: qarğıdalı sıyığı (göyərti və tərəvəzlərlə süfrəyə verilib), Geoje adasından tutulmuş qızardılmış dil balığı (qəhvəyi paxla sousu ilə süfrəyə verilib), qızardılmış Koreya dana əti (360 illik soya sousu ilə süfrəyə verilib), moruq-vanil souslu şokoladlı keks.

Qeyd edək ki, bu gün ABŞ prezidentinin Çinə rəsmi səfəri başlayıb.