Amerika və Çin şirkətləri ABŞ Prezidenti Donald Trampın Pekinə səfəri zamanı ümumi dəyəri 9 milyard dollar olan bir sıra müqavilələr imzalayıb.

Axar.az xəbər verir ki, bu barədə “Frans Press” informasiya yayıb.

Məlumata görə, hər iki tərəfin təmsilçiləri 19 əməkdaşlıq müqaviləsinə imza atıblar. Çinin Dövlət Şurasının sədr müavini Van Yan hazırda imzalanan sazişlərin sadəcə prezidentlərin görüşü zamanı imzalanması planlaşdırılan təbii qaz və soya satışı müqavilələrinə hazırlıq xarakteri daşıdığını deyib.

Qeyd edək ki, Trampın Çinə bugünkü səfərinin əsas məqsədi ticarət münasibətlərinin yaxşılaşdırılmasıdır.