Koreya Respublikasının Prezidenti Mun Ce-in Asiya-Sakit okean hövzəsindəki ölkələri “Hərtərəfli regional iqtisadi əməkdaşlıq” (RCEP) adlı ticarət razılaşmasını nəzərdə tutan azad ticarəti təşviq etməyə çağırıb.

Axar.az xəbər verir ki, prezident Mun Ce-in bu fikri Vyetnamda Asiya-Sakit Okean İqtisadi Əməkdaşlığı (APEC) təşkilatının sammiti çərçivəsində ölkə liderlərinin İşgüzar Məşvərət Şurasının üzləri ilə görüşündə səsləndirib.

Cənubi Koreya lideri APEC-in iştirakçı tərəflərinin son 30 ildə böyük inkişafa nail olduqlarını, təşkilatın Asiya və Sakit okean regionunda əsas iqtisadi əməkdaşlıq formatına çevrildiyini, ümumi ticarət dövriyyəsinin 7 faiz artdığını bildirib. Mun Ce-in bu uğurlarda iqtisadi inteqrasiyanın vacib rol oynadığına inandığını deyib və qeyd edib ki, bu istiqamətdə daha çox irəliləmək üçün “Asiya-Sakit okean azad ticarət zonası” yaradılması vacibdir.

Koreya Respublikasının Prezidenti azad ticarət zonasının hər bir iştirakçı tərəfə fayda gətirəcəyini bildirib.