İordaniya, Rusiya və ABŞ Suriyanın cənubunda təhlükəsizlik bölgəsinin yaradılması məsələsində razılığa gəliblər.

Axar.az xəbər verir ki, bu barədə İordaniyanın İnformasiya naziri və və hökumət sözçüsü Məhəmməd əl-Muməni məlumat verib.

"Yeni razılaşma 3 ölkənin iyulun 7-də Suriyanın cənub-qərbində təmas bölgələri boyunca atəşkəsin təmin olunması baxımdan həyata keçirilən səyləri dəstəkləyir",- deyə Muməni bildirib.

Qeyd edək ki, İordaniyanın səyləri nəticəsində sözügedən ölkələr arasında may ayında başlayan görüşlər atəşkəsin dəstəklənməsi, ölkədə siyasi sabitlik təmin olunana qədər gərginliyin azaldılması və bölgəyə humanitar yardımların çatdırılmasına icazə verilməsi barədə razılığın əldə olunması ilə nəticələnmişdi.