ABŞ Prezidenti Donald Tramp Şimali Koreya xalqı və lider Kim Çeni təhqir etməyə cürət etdiyi üçün ölüm hökmünə məhkum edilib.

Axar.az xəbər verir ki, bu barədə yerli “Rodong Sinmun” qəzetində yazı dərc olunub.

“Onun heç vaxt əfv edilməyəcək ən pis cinayəti haqsız şəkildə ali rəhbərliyimizin ləyaqətini təhqir etməyə cəsarət etməsidir. O, (Tramp) Şimali Koreya xalqı tərəfindən ölüm hökmünə məhkum edilmiş sadəcə iyrənc bir cinayətkar olduğunu bilməlidir”, - yazıda deyilib.

Qeyd edək ki, Asiya ölkələrinə ziyarəti çərçivəsində ABŞ Prezidenti Donald Tramp Şimali Koreyanın ünvanına kəskin ifadələr səsləndirmişdi.