Afrika Birliyi ölkələrindən Zimbabvedəki hərbi çevrilişə münasibət bildirilib.

Axar.az xəbər verir ki, birlik ölkələri hadisələri zərbə kimi qiymətləndiriblər. AB hərbi çevrilişə cəhd edənləri Konstitusiyaya hörmət etməyə çağırıb.

Xatırladaq ki, hakim “Zimbabvenin Afrika milli ittifaqı – Vətənpərvər cəbhə” partiyasının Silahlı Qüvvələrin komandanı Konstantin Çivenqanı xəyanətdə və qiyama çağırışda ittiham etməsindən sonra ordu ölkənin paytaxtı Harare şəhərində hökumət, parlament və məhkəmə binalarına gedən yolları bağlayıb, şəhərin mərkəzinə zirehli texnika yeridib. Eyni zamanda, yerli mediada yayılan xəbərlərə görə, dövlət teleradio korporasiyasının binası ələ keçirilib, maliyyə naziri İqnasius Çombo və daha bir neçə nazir həbs olunub.

Bundan öncə, noyabrın 6-da Çivenqa vəzifədən kənarlaşdırılan vitse-prezident Emmerson Mnanqaqva tərəfdarlarının təqibini dayandırmaq üçün müdaxiləyə əl atmağa hazır olduğunu demişdi.