Dünyanın ən bahalı aviabiletləri Ermənistandadır, amma buna rəğmən, biz zəncilər kimi hərəkət edirik.

Axar.az xəbər verir ki, bunu Ermənistan parlamentində çıxışı zamanı Çarukyan Blokundan olan deputat Naira Zoqrabyan söyləyib.

“Bizim reyslər zəncilər üçündür. Bizim təyyarələr Avropa ölkələrinin hava limanlarına gecə saat 4-də eniş edirlər. Digər dövlətlər bizdən fərqli olaraq “ağ reyslər” gerçəkləşdirirlər. Niyə Ermənistan-Yunanıstan çarter reysinin dəyəri Gürcüstandakından iki dəfə baha olmalıdır?” – deyə o bildirib.

Ermənistan üçün yaralı məsələyə toxunan Zoqrabyanın bu çıxışı ölkə mətbuatında onun kəskin tənqidinə səbəb olub. Belə ki, “Lragir.am” saytı məhz Avrointeqrasiya Məsələləri üzrə Komissiyasının rəhbərinin problemi irqi ayrı-seçkilik formasında gündəmə gətirməsini biabırçılıq adlandırıb:

“Zəncilər üçün reys” nə deməkdir? Zoqrabyan bilməlidir ki, quldarlıq çoxdan ləğv edilib. “Zəncilər” indi çoxdan bütün reyslərdə digərləri kimi uçurlar. İndi dünyada çoxdan qul və sahibləri yoxdur, amma erməni elitası hələ də özünü “aristokratiya” hesab edir və gündəlik reyslər tələb edir. Naira Zoqrabyan Ermənistanı Avrasiya İttifaqına daxil etmək üçün hər şey edən partiyanın üzvüdür. Bundan sonra Rusiya Ermənistanın səmasında dominantlığını təmin edib, öz aviaşirkətlərini bazara yerləşdirdi”.

Qeyd edək ki, Zoqrabyan həm də Ermənistanın AŞPA-dakı nümayəndə heyətinin üzvüdür.