Gürcüstan və ABŞ birgə hərbi təlimlərin miqyasının genişləndirilməsi barədə razılaşıblar.

Axar.az xəbər verir ki, bu barədə informasiyanı Gürcüstan Müdafiə Nazirliyi yayıb. Nazirlik razılığın Gürcüstan Müdafiə naziri Levon İzoriya ilə ABŞ prezidentinin Milli Təhlükəsizlik Məsələləri üzrə müşaviri Herbert Makmasterin görüşündə əldə olunduğunu bildirib. Razılaşmaya əsasən, bundan sonrakı təlimlərə xüsusilə NATO-nun Qara dəniz hövzəsindəki üzvləri və tərəfdaşlarının dəvət edilməsi nəzərdə tutulub.

Qeyd edək ki, Tiflis ABŞ-ın hərbi müttəfiqidir. Vaşinqton son iki il ərzində Gürcüstandakı hərbi təlimlərinin sayını artırıb. ABŞ-la Gürcüstan arasındakı bundan öncəki ikitərəfli hərbi təlimlərə ABŞ, Gürcüstan və Britaniya hərbçiləri qatılıblar

ABŞ bu təlimləri Rusiya aqressiyasına qarşı Gürcüstan ordusunun döyüş hazırlığının artırılması üçün keçirdiyini bildirir.