NATO Baş katibi Yens Stoltenberqlə Türkiyə Baş Qərargahının rəisi Hulusi Akar arasında görüş keçirilib.

Axar.az xəbər verir ki, bu barədə Türkiyə Baş Qərargahı məlumat yayıb. Görüş Stoltenberqin istəyi ilə gerçəkləşib.

"Baş Qərargah rəisi general Hulusi Akar bu gün NATO Baş katibi Yens Stoltenberq ilə Kanadada görüş keçirib. Stoltenberq NATO adından Türkiyədən üzr istəyib", - Türkiyə Baş Qərargahının məlumatında qeyd edilir.

Qeyd edək ki, Norveçdə keçirilən təlimlər zamanı şərti düşmən hədəfi kimi seçilən lövhədə Atatürkün rəsmi və Türkiyə Prezidenti Rəcəb Tayyib Ərdoğanın adı yer alıb. Türkiyə dərhal etiraz edib və təlimlərdə iştirak edən əsgərlərini geri çağırıb.

Hadisəyə görə məsuliyyət daşıyan 2 nəfərin ordudan qovulduğu bildirilib.