Norveçdə Türkiyə Prezidenti Rəcəb Tayyib Ərdoğanı və Cümhuriyyətin banisi Mustafa Kamal Atatürkü hədəf göstərən təlim qalmaqalının arxasında 2018-ci ildə Türkiyəyə qarşı keçiriləcək əməliyyat dayanıb.

Axar.az xəbər verir ki, Türkiyənin “Yeni Şəfəq” qəzeti baş verənləri müharibə ssenarisi adlandırıb.

Belə ki, Norveçdə keçirilən təlimlərin ssenarisinə uyğun olaraq “Skolken ölkə” (şərti düşmən) S-400 almaq uğrunda çalışır və silahı satan ölkə ilə yaxınlaşmağa davam edir. Təlimlər çərçivəsində bu şərti düşmənlə müharibə vəziyyəti məşq edilir. Hədəf lövhəsində türk liderlərinin rəsminin olması və digər oxşarlıqlar təlimin gələcəkdə Türkiyəyə qarşı nəzərdə tutulmuş müharibəyə hazırlaşdığı fikirini söyləməyə əsas verir.

Qalmaqalda FETÖ təşkilatının izlərinin olması da istisna edilmir.

Qeyd edək ki, Norveçdə keçirilən təlimlər zamanı şərti düşmən hədəfi kimi seçilən lövhədə Atatürkün rəsmi və Türkiyə Prezidenti Rəcəb Tayyib Ərdoğanın adı yer alıb.

Hadisəyə görə məsuliyyət daşıyan 2 nəfərin ordudan qovulduğu bildirilib.

Norveç və NATO isə Türkiyədən üzr istəyib.