Şimali Koreyanın ballistik raket buraxmaq imkanlarına malik ilk sualtı qayığını hazırladığı məlum olub.

Axar.az xəbər verir ki, bu barədə Şimali Koreyanın nüvə fəaliyyətini izləyən “38 North” adlı analiz qrupu fotolar paylaşıb.

Peyk vasitəsilə çəkilən və noyabrın beşinə aid olan fotoların birində Sinpo əyalətində suya endirilmiş prototip bir sualtı qayıq müşahidə olunur. Digər bir fotoda isə ballistik raket buraxılışı üçün nəzərdə tutulan platformanı asanlıqla görmək olar.

Qeyd edək ki, Pxenyanın nüvə proqramını gözləniləndən çox daha sürətli şəkildə inkişaf etdirməsi dünyada təlaşa səbəb olub.