Kanadada yerləşən Halifaks Beynəlxalq Təhlükəsizlik Forumu Türkiyə Baş Qərargahının rəhbəri Hulusi Akardan üzr istəyib.

Axar.az xəbər verir ki, buna səbəb 2016-ci ilin 15 iyul qiyamından sonra çəkilən Akarın fotosunun uyğunsuz paylaşımı olub.

“Türkiyə Baş Qərargah rəhbəri Hulusi Akarı və Avropa Birliyi işləri üzrə naziri Ömər Çeliyi qəbul etməkdən məmnun olduq. Ordu generalı Akarı tanıtmaq üçün internetdə paylaşdığımız görüntülərdən dolayı üzr istəyirik”, - məlumatda bildirilib.

Qeyd edək ki, Halifaks az öncə 2016-cı ilin 15 iyulunda çevriliş cəhdindən sonra Hulusi Akarın boğazında yara izi olan fotosunu paylaşmışdı.

Reaksiyalardan sonra foto səhifədən silinmişdi.