Milyarder Süleyman Kərimovun Fransada həbsi Rusiyaya qarşı siyasi təzyiqdir.

Axar.az xəbər verir ki, bu sözləri öz Yutub səhifəsində rusiyalı politoloq Maksim Şevçenko paylaşıb.

“Sözsüz ki, bu həbsin arxasında bizim ölkəyə qarşı siyasi təzyiq gizlənir. Kərimova qarşı ittihamlar Fransa hökuməti və polisi tərəfində uzun müddət məxfi şəkildə hazırlanıb. Kərimov Rusiya Güləş Federasiyasının sponsorlarından biridir. Maraqlı məqam odur ki, Moskvaya bu zərbə rus idmançılarının qış olimpiyadasına buraxılmadığı məqamda endirilir. Qərb real olaraq Rusiya elitasına qarşı təzyiqlərə başlayıb”, – deyə o bildirib.

Qeyd edək ki, dünən Rusiya Federasiya Şurasının üzvü, ləzgi milyarderi Süleyman Kərimov Fransanın Nitsa şəhərində həbs olunub. O, vergilərin ödənilməməsində günahlandırılır.

Kərimov 2008-ci ildən Federasiya Şurasında Dağıstanı təmsil edir. Senator sahibkarlıq fəaliyyəti ilə fəal məşğuldur.