NATO üzvü Türkiyə Rusiyadan S-400 zenit raket kompleksləri alacağı halda ABŞ tərəfindən sanksiyalara məruz qala bilər.

Axar.az xəbər verir ki, bu barədə “Vaşinqton Post” informasiya yayıb.

Coş Roqin imzası ilə dərc olunan yazıda Rusiyaya tətbiq edilən sanksiya tələbinə uyğun olaraq bu ölkədən silah alan Türkiyəyə də sanksiya tətbiqinin mümkünlüyü və qara siyahıya düşmüş rus şirkətləri ilə ticarət əlaqələrinə görə Türkiyəyə ABŞ tərəfindən silah satışının tamamilə dayandırılacağı istisna edilməyib.

Qeyd edək ki, Türkiyənin Rusiya ilə bağladığı S-400 zenit raket kompleksi təchizatına dair müqavilənin məbləği 2 milyard dollardan çoxdur.