Ana səhifə Planet |
Türkiyə, Rusiya və İran prezidentləri Soçidəki zirvə görüşündən dərhal sonra mətbuat konfransı keçiriblər.
Axar.az xəbər verir ki, Putin mətbuat konfransındakı çıxışında Suriyadakı təhlükəsizlik bölgələri ilə bağlı atılacaq addımların müəyyənləşdirildiyini bildirib:
"Suriyalılar öz talelərinə özləri qərar verməlidir. Türkiyə, İran və Rusiya Suriya Milli Dialoq Qurultayının keçirilməsi məsələsindən razı qalıb".
Ruhani isə görüşlə bağlı bunları qeyd edib: "Üç ölkənin birgə apardığı iş nəticəsində Suriyada sabitliyin yaranmasına zəmin hazırlanıb. Açıq görüş oldu. Üç ölkə öz fikirlərini çox açıq bir şəkildə bəyan etdi. Burada məqsəd Milli Konqresin yaradılmasıdır. Bu konqresdə bütün aktiv partiyalar - Suriyaya qarşı, Suriya tərəfdarı olanlar - birləşəcəklər və bu ölkənin gələcəyi üçün müzakirə aparacaqlar. Bu konqresdə yeni konstitusiya üçün zəmin yaranacaq və azad, ədalətli seçki keçiriləcək".
Ərdoğan da mətbuat konfransında bildirib ki, liderlər arasında kritik görüş olub: "Azad, ədalətli və şəffaf bir siyasi proses məsələsinə razıyıq".
Tarix
2017.11.22 / 20:31
|
Müəllif
Pərviz Həsənov
|