Britaniya Baş naziri Tereza Mey Brüsseldə keçiriləcək Şərq Tərəfdaşlığı sammitində Rusiya tərəfindən olan təhdidlərə qarşı mübarizə haqqında bəyanatla çıxış edəcək.

Axar.az xəbər verir ki, bu barədə informasiyanı Britaniya baş nazirinin mətbuat xidməti yayıb. Meyin sammitdə həmçinin postsovet ölkələrinə Rusiya təhdidinə qarşı mübarizədə vahid yanaşma təklif edəcəyi də gözlənilir.

O, sammitdə, həmçinin, Şərq Tərəfdaşlığı ölkələrində dezinformasiya ilə mübarizə üçün 100 milyon funt sterlinq ayıracağını açıqlayacaq.

Qeyd edək ki, Şərq Tərəfdaşlığı ölkələrinə Ermənistan, Belarus, Moldova, Gürcüstan, Ukrayna və Azərbaycan daxildir.