Rusiyanın siyasi sistemi ədalətsizdir.

Axar.az xəbər verir ki, bunu “Rossiya 1” televiziyasına müsahibəsində rusiyalı teleaparıcı, prezidentliyə namizəd Kseniya Sobçak söyləyib. O, seçkidə iştirakının tarixi hadisə olduğunu və insanlara qorxmağın gərəkmədiyini anlatmaq üçün əlinə imkan düşdüyünü bildirib.

Müsahibədə maraqlı məqam isə Sobçakla xoş münasibətləri olmayan Vladimir Solovyovun onu verilişə gəlməklə ikiüzlülük nümayiş etdirməsinə qadın namizədin verdiyi sərt cavab zamanı yaşanıb:

“Mən sizin yanınıza gəlməmişəm. Mən ictimai tualetə ehtiyac yarananda olduğu kimi, bura ehtiyac hiss edib gəlmişəm. Mən sizin yanınıza gəlmişəm ki, öz seçicilərimlə, məni eşidən insanlarla danışım”.