Luqansk terrorçularının Müdafiə naziri İqor Plotnickiy son günlər inamlı bəyanatlar verməyə başlayıb.

Axar.az-ın Ukrayna mediasına istinadən xəbərinə görə, onun belə davranışına səbəb Rusiyaya məxsus qırıcı təyyarələrin sərhəd boyunca uçuşlarının intensivləşməsidir. Bəzi mənbələr, o cümlədən Luqansk rəsmiləri Krımdan aparılmış Rusiyaya məxsus qırıcıların Ukraynanın 20 km-dəki Millerovo şəhərində hərbi manevrlər etdiyini bildiriblər.

Xatırladaq ki, sərhəddə təyyarələrin cəmləşməsini ukraynalı sərhədçilər də təsdiqləyiblər. Onlarla vertolyot və qırıcı təyyarə hazır vəziyyətdə komandanlığın əmrini gözləyirlər.