2014-cü ilin yayında Donbasda “Boinq” təyyarəsinin vurulmasında əsas günahkar Rusiya Mərkəzi Hərbi Dairəsinin nümayəndəsi general-polkovnik Nikolay Tkaçevdir.

Axar.az xəbər verir ki, bu iddianı “Bellinqket” jurnalist-ekspert qrupu yayıb. Qrup Tkaçevin “Delfin” ləqəbi ilə məşhur olduğunu bildirib. Belə ki, qrup üzvlərindən biri jurnalist adı ilə Tkaçevdən müsahibə götürüb, daha sonra onun səsi Kolorado Universiteti və Litva Məhkəmə Ekspertiza Mərkəzində əvvəldən olan səsi ilə birgə analiz edilib. Bundan sonra müəyyən olunub ki, məhz bu general “Boinq” təyyarəsinin vurulmasında iştirak edib.

Qeyd edək ki, 2014-ci ildə Malaziyaya məxsus təyyarə Donbasda qəzaya düşüb. Qəza nəticəsində 289 nəfər həlak olub. Sonradan bəlli olub ki, qəza təyyarəyə açılan atəşdən sonra baş verib. İnsidentin araşdırılması üçün Niderlandda xüsusi qrup yaradılıb və bu qrup bir müddət öncə təyyarənin məhz Donbas separatçıları tərəfində “Buk” kompleksləri vasitəsilə vurulmasını təsdiqləyib.