Moskva bölgədəki varlığını müəyyən etmək üçün hərbi bazalarını məhdud ölçüdə Suriyada saxlayacaq.

Axar.az xəbər verir ki, bu sözləri Moskva Hərbi və Siyasi Araşdırmalar Mərkəzinin direktoru Aleksey Podberezkin bildirib.

"Sözügedən məsələ təkcə Suriyaya aid deyil, milli maraqlarımıza təhdid yaradacaq Şərqi Aralıq dənizi və Yaxın Şərqdəki duruma da aiddir. ABŞ-ın xarici siyasəti Yaxın Şərqi qeyri-sabitliyə sürükləməyə davam edir, buna görə də Suriya lideri Bəşər Əsədi devirmək üçün müxalifətə dəstək verilir. Rusiya isə bu məsələdə siyasi xarakter göstərərək, Suriyanın müstəqiliyini təmin etməyə hazır olduğumuzu və mövcud hakimiyyətə siyasi dəstəyimizi nümayiş etdirdi", - Podberezkin qeyd edib.