ABŞ BMT-nin büdcəsini 250 milyon dollar ixtisar etmək istəyir.

Axar.az xəbər verir ki, “Frans Press” agentliyi bu məbləğin BMT büdcəsinin 5%-ni təşkil etdiyini qeyd edib.

“ABŞ-dan fərqli olaraq, Avropa Birliyi büdcəyə 170 milyon dollar qənaət edilməsini istəyir. Bu, klassik oyundur. Hər zaman iki düşərgə - ABŞ və AB düşərgələri mövcud olub. Bunları həm də xərcləri azaltmaq istəyən və istəməyən dövlətlər olaraq bölmək olar”, – deyə agentliyin mənbəsi bildirib.

Qeyd edək ki, BMT-nin operativ büdcəsi bu ilin əvvəlində ABŞ təzyiqləri ilə 600 milyon dollar azaldılmışdı.

Bundan öncə BMT Baş katibi Antonio Quterreş isə 2018-2019-cu illərdə büdcəyə 200 milyon dollar qənaət edilməsini istəmişdi.