Rusiyalıların böyük hissəsi ölkədəki iqtisadi böhranın təsirini hiss edir.

Axar.az xəbər verir ki, bu barədə informasiya Rusiya Elmlər Akademiyasının Sosiologiya Mərkəzinin keçirdiyi sorğu nəticəsində hazırladığı hesabatda yer alıb. Hesabata əsasən, rusların 40%-i böhranın onlara böyük zərər verdiyini, amma bunun fəlakətli həddə olmadığını düşünür. Yalnız 7%-i katastrofik həddə zərərə məruz qaldığını açıqlayıb. 14% isə ümumiyyətlə, böhrandan heç bir ziyan görmədiyini bildirib.

Maddi vəziyyətinin yaxşı olduğunu düşünənlər respondentlərin 28%-ni təşkil edib. Bu isə keçənilki göstəricidən 7% azdır.

47% böhran ucbatından geyim xərclərini azaltdığını bildirib.

35% şəxs isə qida üçün xərclərini azaldıb.